3月25日 哥哥的低醣減肥 Day 25

尋日係阿哥第四個星期的cheat d...

3月25日 哥哥的低醣減肥 Day 25

尋日係阿哥第四個星期的cheat day, 我當然俾佢自由發揮，我又可以放下假，從佢send返俾我嘅相睇到都幾豐富😝佢食得開心就好了😋cheat day 就是要食得開心和自己想食的東西🤗
.
不過我聽返阿哥講原來佢就算cheat day 都開始習慣注重飲食，會食半碗飯就够，慣咗額外食碟菜，我話你可以食得再勁d，佢就話一來習慣咗，二來佢覺得其實已經好夠好豐富，聽得出佢真係改變左，同埋對於減肥期間每個星期都有一日cheat day嗰種感恩🙆🏻‍♂️其實我真係好開心，啲人話養成一個習慣要21日，我感覺到低醣飲食已經慢慢注入阿哥的生活，亦見佢嘅意識同埋生活模式慢慢起變化，即係已經開始習慣咗。💁🏻‍♂️ 諗諗吓其實某程度上我都喺度幫佢洗緊腦，原來當日日耳濡目染真係可以將一個人洗腦，我咁簡單短短呢個月照顧佢嘅起居飲食已經可以改變佢嘅生活模式同埋思維，跟何況一啲極權嘅國家嘅子民由細到大就開始俾人洗腦，細思極恐😳諗諗吓都覺得有啲恐怖。
.
講得遠咗添，講返今朝早阿哥上完磅好開心咁send咗張相俾我，佢話估唔到琴日cheat day完咗，今日竟然仲輕咗🤣🤣我淡定咁會答佢，係呀因為你成功cheat左個身體啦，就算你食返一啲精制澱粉質，都可以成功瞞騙到佢以為你仲係好努力咁樣低醣緊，明顯經過呢20幾日阿哥嘅體質已經改變左，呢個就係我成日講嘅只要你辛苦頭一個階段改變左體質就食乜都得😝，只要唔係持續暴飲暴食就唔會反彈，就算食完大餐之後食返低醣餐平衡返就可以的體質💁🏻‍♂️所以只要繼續堅持落去就會越嚟越瘦㗎啦，第一階段淨返最後五日，阿哥加油💪大家都加油💪😉

有興趣知道更多低醣減肥嘅話快啲加入我嘅MeWe低醣減肥群組啦👇🏻👇🏻
Link in bio

https://mewe.com/join/easy_way_for_low_carbohydrate_diet

💁🏻‍♂️ 順手加埋我個MeWe 專頁 「為食小樂 」Foodie_siulok

https://mewe.com/p/%25E7%2582%25BA%25...

---